Müellifi: Pol Burje [Paul Bourget]

Mütercimi: Ahmed İhsan [Tokgöz]

[409 numaralı nüshadan beri mabad]

1899 senesinin altın hasılatı:

Tekmil küre üzerinde bin sekiz yüz doksan dokuz senesi istihsal olunan altının

mecmuu dört yüz yetmiş iki bin yirmi beş kilogramdır. Bu mecmudan kıtaat-ı muhtelifeye düşen miktar şu cetvelden anlaşılır.

(…)

Yeni bir usul-i tenvir: Amerikalı bir kimyager şimdiye kadar malum ve müstamel olan usul ve vesait haricinde geceleyin sokakları, salonları, odaları aydınlatacak bir tarz-ı tenvir keşfine muvaffak olmuştur.

Derunundaki hava tamamıyla tahliye edilmiş billurdan bir balonun içinde bazı ameliyat-ı kimyaiye sayesinde ziya-ı şemsi zapt ve hıfz etmekten ibaret olan bu usul ile pek güzel netaice destres olunacağını temin ediyorlar. Amerikalı kimyagerin keşfettiği fanus elektrik lambalarının verdiği ziyaya müşabih bir aydınlık neşrediyor ve kullanılan balonların hacmine göre az veya çok ziya istihsali mümkün oluyormuş.

Fransa mehakiminde ehl-i hibre – Sadakat-i zevciye ve münasebat-ı gayr-ı meşrua.

Mehakimce temin-i adalet kaziye-i mutenasında vücudu elzem olan ehl-i hibre mesele-i mühimmesi Fransa’da ahiren tahaddüs eden bazı deavi-i cezaiye münasebetiyle hukuk-şinasan tarafından pek çok mevzubahis olmaktadır. Kanuni ve tıbbi ehl-i hibrenin hâlihazırdaki nekayıs-ı teşkilatını beyanda Fransa mahkeme-i temyizi, hükkâm, meşahir-i etibba hep müttefiktirler. Şu hâlde onu ıslaha çalışmak tabiidir; fakat nasıl?..

Bir kere şimdiki ehl-i hibreye karşı serd olunan itirazat ne gibi şeylerdir? Evvelemirde bu ciheti tetkik etmeli.

Ezmine-i kadimeye doğru irca-i nazar edecek olursak erkân-ı mehakim arasında asıl hibreye tesadüf edemeyiz; müttehim tarafından, aleyhine istinat olunan cürmün temyiz-i mahiyet-i hakikati fennî ve sınaî bazı malumata tevakkuf ettiği beyanıyla erbabından bir iki kişinin huzur-ı mahkemede istimaı yolundaki iddia bir hande-i istihfaf ile istikbal edilirdi.

(…)

-İstanbul: 17 Ağustos 1317-