9

İsveç ve Norveç

İsveç – Norveç meselesi mesail-i muallaka-i siyasiyeden maduttur. Arada sırada zuhura gelen vakayi gösteriyor ki İskandinavya şibh-i ceziresinin bu iki halk ve hükûmeti beyninde itilaf-ı tam hüküm-fermâ değildir. Şu temayülat-ı mütebayinenin membaı ve safahat-i esasiyesini mücmelen zikir ile tabiat-ı esasiyelerini tayin edelim:

-1-

Norveç tarihi, elan muğlak ve muzlim kalan bir devre geçirdikten sonra, nihayet diğer İskandinavya hükûmatından tamamen ayrı bir kraliyet teşkil edebilmişti. On dördüncü asrın sonlarında bu kraliyet İsveç’le hemen aynı zamanda Danimarka hükümdaranının taht-ı hüküm ve tasarrufuna geçti. Müteaddit ve medit tecrübelerden, teşebbüslerden sonra on altıncı asırda İsveç bu ribkadan kendini kurtarmaya muvaffak olmuş fakat Norveç, bir nevi imtiyazdan müstefit olmakla beraber, yine Danimarka’ya tabi kalmıştı.

(…)