-1-

Mesail-i İktisadiyenin Ehemmiyeti

Zamanımıza gelinceye kadar, hatta bazı memleketlerde zamanımızda bile mesail-i iktisadiyeden bahseden ulum pek çok kişiler tarafında istihfaf edilmiştir. İki asır evvel fenn-i tıp dahi hemen aynı istihzalara uğrardı. Etibbaya karşı gösterilen bu riayetsizlik, vesaya-yı sıhhiyenin hiç nazar-ı dikkate alınmamasını intaç ettiği zamanlarda miktar ve fiyatın birdenbire ve fevkalade bir surette tezayidi bu tahkiratın intikamını aldığı gibi kavaid-i ilmiye-i iktisadiyeye tevfik-i hareket etmeyen milel-i cedide dahi birtakım buhranlara düçar olarak bu adem-i dikkatin cezasını görmüşlerdir.

(…)

Fransa muharrirlerinden Hug Loro nam zatın “Norveç Kadınları” hakkında neşretmiş olduğu bir eserde, tafsilat-ı saire ile beraber, bilhassa bunların tarz-ı talim ve terbiyelerinden ve Avrupaca şu son zamanlarda efkâr-ı umumiyeyi işgal eylemiş olan bir meseleden, yani muhtelit usul-ı tedris ve terbiyeden hasıl olacak netayicin adap ve terbiye-i umumiyece mucib-i mahazir olup olmayacağından bahsedilmiştir. “Muhtelit usul”den maksat erkeklerle kadınların müctemian talim ve terbiye edilmesidir.
(…)