Fransa’da İntikalat Kanun-ı Cedidi ve Teklif-i Müterakki

Fransa meclis-i mebusanının son devre-i içtimaını, birtakım mesail-i dâhiliye-i siyasiyeden başka, iki mühim mesele-i maliye işgal eylemiştir: Biri müskirat kanunu, diğeri de intikalat-ı resmî. Bunların birincisiyle bir tarik-i müstakime doğru ilk adım atılıyordu; ikincisiyle bir rah-ı zelalete giriliyor. Fakat fena bir hareketi men etmek, iyi bir harekette bulunmaktan her halde daha nafi ve müfid iken, yine mecliste ikinci kanunun kabul ve tasdikine ika-ı memaniet edecek kuvvetli bir sada işitilmedi.  Erbab-ı ilim, pek çok defalar olduğu gibi, bu kere de bütün metanet-i itminanlarıyla, kavanin-i tabiyenin hakikat-i mutlakasına karşı besledikleri bir itimad-ı fevkalade ile bağırdılar, bağırdılar; lakin muvaffak olamadılar.

(…)