Fransa’da Müskirat Kanunu

ve

Oktruva Resmi

Fransa meclis-i mebusanının son devre-i içtimaını işgal eden en mühim mesele-i maliye müskirat rüsumunun tenkisine dair olan kanunun kabulüdür. Bu meselenin bir taraftan ahalinin hıfzıssıhhasına, belediyeler için bir madde-i hayatiye teşkil eden oktruva rüsumuna, diğer taraftan doğrudan doğruya hükûmet varidatı meyanında bulunan istihlakât vergilerine taalluk eylediği düşünülürse icraat-ı ahirenin, bazılarının zannettikleri gibi, na-be-hengâm değil belki geç vuku bulduğuna itimat etmek lazım gelir. Şu birkaç aylık iktisadi, içtimai, mali resail-i mevkute sayfalarında, ceraid-i yevmiye sütunlarında bu mesele fevkalade ehemmiyetle telakki edilmiş, bu bapta pek alimane, pek vakıfane mütalaalar serd olunmuştur. Böyle calib-i dikkat bir mesele-i maliye hakkında bizde de birkaç sayfa yazı yazmak pek beyhude olmaz sanırım. Bunları bilmeye, öğrenmeye bizim de ihtiyacımız olduğu inkâr edilemez değil mi?..

(…)

-4 Mart 317-