-7-

İlm-i İktisat, Muharriri Mehmet Cavit Bey, Cilt 2.

Hayat ve Kitaplar

-Geçen haftadan mabad –

“İlm-i iktisat = Economie publique” tabiat tarafından insanlara bedaheten bahşedilmeyen fevaidi istihsal ve onlardan intifa için masruf olan mesai-i beşeriyenin faaliyet ve müesseriyetini tayin eden kavanin-i umumiyeden bahseder. Bu ilim bir intizam-ı umumi tahtında bulunan hadisat ile meşguldür. Bugün kâinat-ı maddiye ve maneviyede vuku bulan hadisatın tesadüfi olmayıp icaz-nüma bir sebat ve intizam ile husule geldiği, maddenin kanunları olduğu gibi zihnin de birtakım kavanine tabi olduğu ispat edilmiştir. Şu halde efal-i iktisadiye vazı-ı kanun tarafından ittifakı vaz edilen yahut doğrudan doğruya tesadüfi olan birtakım ahkâma tabi olmayıp, belki kavanin-i umumiye-i kâinata merbuttur. İnsanlar kuvve-i cazibeye, imtizacat-ı kimyeviye kanununa hâkim olmadıkları gibi kavanin-i iktisadiyeye de hâkim değillerdir.

(…)