Zabitin Vazifesi Mühimdir

-İbrahim Muhiddin Beyefendi’ye-

Medeniyetin destgâh-ı tekamülünde her gün başka başka teceddüt ve intizam göstererek beşeriyetin eyadi-i istifadesine düşen esliha-i harbiye-i muharebatın tarz ve mahiyetini tahavvülat-ı azimeye uğratmaktadır. Ta bi

dayette vukua gelen mücadelat ve münazaat-ı beşeriyeyi mukayese ve tetkike hacet görülmeksizin nisbeten daha karib olan edvar-ı maziyede İskenderlerle Daraların, Kartacalılarla Romalıların icra ettikleri muharebat ile mesela 1870 senesinde zuhur eden Vört (?) faciası ve bu iki ukde-i mühimme-i vakayi arasında dizilen o silsile-i medide-i muharebat enzar-ı dikkat önünden geçirildiği halde görülür ki vesait-i nakliyenin mazhar-ı tekamül ve terakki olmasından sevkülceyşçe büyük bir tahavvül vücuda geldiği gibi eslihanın kesb ettiği terakkiyat-ı mühimmeden de tabiye-i cesimece inkılabat-ı azime tevellüd etmiş ve esfar-ı maziye ile muharebat-ı hazıra ve müstakbele beyninde eşgâl-i zahirece büyük büyük farklar meydan almıştır.

(…)