3

Mösyö F. Dömartens

İlm-ı hukuk ile iştigal edenlere malum olduğu üzere, “Martens” isminde iki allame-i hukuk vardır:

Biri Almanyalı Şarl Dömartens’tir [Charles de Martens] ki diplomasi usul ve kavaidine müteallik mülahazat ve mütalaat-ı musibesiyle iştihar etmiştir. Bu nevi mübahise dair La guide diplomatique unvanıyla telif ve neşrettiği eser-i mükemmel diplomatlığı meslek ittihaz edenlerin kütüphanelerinde mutlaka mevcut bulunur. Diğeri Rusyalı Frederik Dömartens’tir [Friedrich Martens]; bu zat da hukuk-ı düvele ait malumat ve tetkikat-ı mütehayyiranesiyle temeyyüz eylemiştir. Bizim burada mevzubahis edeceğimiz “Martens” işte bu zattır.

(…)