Girit ahali-i İslamiyesi muhtacinine muavenet-i vazife-i insaniyetkâranesine iştirak hususunda ceride-i acizanemiz tarafından da bir nüsha-i fevkalade neşriyle hasılatının iane komisyonuna itası mutasavver iken refik-i muhteremimiz Tercüman-ı Hakikat gazetesi idaresi tarafından işbu maksad-ı muavenetkâranenin husulü için iki gazetenin tevhid-i gayret etmesi teklif-i muhibbanesi idare-i acizanemize bildirildi.

(…)

Binaenaleyh kariben Tercüman-ı Hakikat ve Servet-i Fünûn gazeteleri namına bir nüsha-i müştereke-i fevkalade ve musavvere neşrolunacaktır.

(…)

Gazetemizin tevsi-i intişarını temin etmekle beraber gezdiği yerlerde güzel fotoğraflar dahi çıkararak kısm-ı musavverimizi tezyin etmekte bulunan seyyar memurumuz Mehmet Tevfik Efendi’nin geçen kânunuevvelde Halep tarikiyle Bağdat’a azimet eylediğini Suriye’de Bir Cevelan unvanlı seyahatnamemizde bilmünasebe söylemiştik.

(…)

Bağdat, 15 Kânunusani

“Halep’ten hareketimin dokuzuna ve Kânunuevvel’in on üçüne müsadif olan Cuma günü Zor Sancağının merkezi Deyr kasabasına muvasala eylemiştim.

(…)