“Zıya-ı Müessif”

Müşiran-ı azamdan Anadolu vilayat-ı şahanesi müfettişi Şakir Paşa’nın Cuma günü sabahı saat on raddelerinde Sinop’ta irtihal-i dar-ı beka eylediği vasıl-ı sem-i teessüf olmuştur.

Merhum müşarunileyh yedi günden beri Sinop’ta bulunuyordu. İki gün evvel Dersaadet’te bulunan ailesine varit olan telgrafnamede hastalandığı işar edilmişti. Müşarunileyh saltanat-ı seniyye-i Osmaniye’nin eazım-ı erkân-ı askeriye ve siyasiyesindendi. Vefatı memleketimiz için bais-i telehhüf zayiat-ı azimedendir.

Tercüme-i Hali:

(…)

Darülmuallimin ilm-i servet muallimi Mehmet Cavit Bey biraderimiz tarafından mesail-i iktisadiye hakkında en son nazariyeleri havi bu eser ehemmiyet-i münderecat noktasından şimdiye kadar neşredilen asara müreccahtır. Fiyatı on kuruştur. Taşradan Sabah gazetesi idarehanesinde sahib-i eser namına müracaat olunmalıdır.

Birinci kitap

Hayat-ı Muhayyel

Edib-i muktedir Hüseyin Cahit Bey’in bu eser-i nefisi “Edebiyat-ı Cedide Kütüphanesi”nin ilk kitabı olmak üzere mevki-i intişara konuldu.

Üç yüz on beş sayfa

Bedeli on kuruş – vilayat için yedi buçuk.

Geçen hafta Pazartesi’den beri idarehanemizde tevzi edilmektedir.

Bir senelik mükemmel bir takvim ile memleketimizdeki müessesat-ı hayriye-i sıhhiyenin ve altmışa karip meşahir-i etıbba-yı Osmaniye’nin tasvirlerini, bu etıbba-yı kiram tarafından bilhassa kaleme alınmış makalat-ı mütenevvia ve nafiayı, diğer birçok mevadd-ı müfideyi, malumat-ı fenniyeyi, vesaya-yı sıhhiyeyi, hatta letaif ve zeraifi havi olarak Doktor Besim Ömer Paşa tarafından tertip edilmiş mecelle-i güzidedir. 420 sayfadan mürekkep ve 104 adet resmi havidir.

Fiyatı: Dersaadet ve vilayat-ı şahane için 10 kuruştur.