“Monroe Kaidesi”

Amerika-yı cenubî hükûmetlerinden Venezuela hükûmetinin tahdit-i hududî meselesinden dolayı İngiltere ile Amerika hükûmeti arasında bir ihtilaf zuhura gelmiş olduğu ve bu ihtilaf bir aralık İngiltere ile Amerika arasında harbi intaç edecek kadar kesb-i şiddet eylediği ve mühim bir mesele-i siyasiye tahaddüs ettiği havadis kısmımızda okunmuştur.

Venezuela hükûmeti Amerika’nın yeni teşekkül etmiş hükûmetlerinden olup arazisi İngiltere’nin Guyan [Guyana] müstemlekatıyla hemhudut olup şimdiye kadar bu hudut suret-i katiyede tahdit edilememişti. Fakat hâlî arazisinin layıkıyla tahdit ve tayin edilmesi şimdiye kadar böyle bir ihtilafa sebebiyet vermemişti. Hudut civarında yakında altın madenleri keşfedilmesi üzerine bu madenlerin bulunduğu arazi Guyan kıtasına mı yahut Venezuela arazisine mi mülhak olduğu hakkında muaraza zuhur etmekle ve Guyan zabıtası efradından Venezuela hududunu geçenlere karşı Venezuela hükûmeti tarafından hapis gibi bed-muamele reva görülmekle ve İngiltere’nin talep eylediği tazminatın itasından Venezuela istinkâf eylemekle ihtilaf zuhura gelmiştir.  (…)

Ayı Avı 10

Kurt Avı 11