Umumi Fikirler ve Müteaddit Dereceli Taviz

2

Müteaddit dereceli tavizat usulünün tevsiini bırakalım da kendisini son bir defa daha menşeinde mülahaza edelim. Ne suretle mücerredatı birbirleriyle mezcederek bunlardan ikinci haddinin ihtisas ve tecrübesi iktidarımız dâhilinde olmayan bir çiftin hadd-i evvelini teşkil ettiğimizi ve ne suretle düstur-ı müvellidi mütalaa eyleyerek bu düsturun tevlit edeceği şeyin hasaisini keşif eylediğimizi geçen makalede görmüştük. Bazı ahvalde bunda harikulade hassalar zuhur eder ve düstur bize yalnız bizim tecrübemizin değil alelıtlak tecrübenin haricinde birtakım vakayi izhar ve irae eyler. Bilfarz 2 adedi 3’e taksim edilse gayr-i mahdut bir kesr-i a’şarı tevlit eder.  

(…)