Şimdi tahattur ediyorum ki Servet-i Fünûn’umuz 1900 sergisinden, âlem-i temeddünün bu mücessem fihrist-i terakkiyat ve muvaffakiyetinden henüz bahsetmedi. Halbuki asr-ı ahirin asr-ı cedid ile ukde-i mesude-i ilkası demek olan bu maraz-ı azimin günden güne takarrüp eden yevm-i küşadı tarih-i teşkilat-ı medeniyede bir mühim sayfa teşkil edecek, 1900 sergisi müştemilatı ve muhteviyatça muhtelif memleketlerde şimdiye kadar açılıp kapanan umumi sergilerin şüphesiz en ehemmiyetlisi addedilecektir.

(…)