“Kastamonu Valisi Merhum Refik Bey”

Merhum müşarünileyh mekteb-i irfaniden neşet ile takriben otuz beş sene makdem meclis-i vala mazbata odasına dâhil olup muahharan Mahkeme-i Temyiz Kalemine nakl-i memuriyet ve refte-i terakki ile kalem-i mezkûrun başmümeyyizliğini ihraz etmiştir. Gerek mezkûr kalemde ve gerek memuren izam buyurulduğu bazı fevkalade tahkik-i memuriyetlerinde meşhut olan asar-ı rüyet ve fetanete binaen 1296 sene-i hicriyesinde Edirne vilayet-i celilesi teşkilat-ı adliyesine ibtidar olduğu zaman adliye nezaret-i celilesinden intihap olunan memurin-i adliye meyanında vilayet-i müşarünileyhe gönderilmiştir.

(…)

[İmza: Diran Çırakyan]