Muharriri: Uşşakizade Halit Ziya

[273 numaradan beri mabad]

Dersaadet’ten Suriye cihetine her on beş günde biri Fransız ve biri Nemse olarak iki doğru ve her on beş günde dolaşık posta vapurları hareket eylediği cihetle dolaşık vapurlara müsadif hafta çıkarak mezkûr vapurlarla gönderilen gazetelerimiz bir hafta sonraki doğru ile Beyrut ve civarına müvasalat eylediğinden muhterem abonelerimiz daima Servet-i Fünûn’un iki nüshasını bir arada alıyorlardı. İki nüsha bir arada vasıl olduktan sonra ayrı ayrı vasıl olması ise nüshaların ziya’ı ve tehiri gibi bazı mehaziri tevlit eylediğinden -vapurların eyyam-ı hareketinde bir tebeddül vuku buluncaya kadar- Suriye ve Beyrut vilayetleri ile Kudüs-i Şerif mutasarrıflığı dâhilindeki kariin-i kiramın nüshalarını ikisi bir arada olarak on beş günde bir defa hareket eden Fransız doğru vapuruyla irsale karar verdik. Şu vesileyle nüshalarını muntazaman alamayanların idarehanemize ita-yı malumatla almadıkları nüshaların numarasını -tekrar takdim kılınmak üzere- bildirmelerini bilhassa rica ederiz.

Musavver Edebî Roman

Andre Torye’nin [Andre Dorien] asar-ı nefisesinden olup geçen sene sahib-i imtiyazımız Ahmet İhsan Bey tarafından tercüme edilerek tefrika suretinde gazetemize derç olunmuş olunan bu roman otuzu mütecaviz zarif ve mükemmel resimlerle neşrolundu. Eser 130 sayfalık güzel bir cilt teşkil eyliyor. Kâğıdı gayet güzeldir. Fiyatı ise 5 kuruştur. Taşradan arzu edenlerin beş kuruşluk pul göndermeleri kâfidir.