Muharriri: Uşşakizade Halit Ziya

[273 numaradan beri mabad]

Vuku-ı vefatı kısm-ı siyasimizde muharrer bulunan İsmail Paşa merhum Kars ümera ve hanedanından merhum Şerif Bey’in mahdumuydu. Bin iki yüz otuz dört sene-i hicriyesi evailinde Kars’ta tevellütle bin iki yüz kırk dokuz tarih-i hicrisinde Kars sancağı dâhilinde kâin Şivegül kazası kaymakamlığına, bin iki yüz elli üç senesinde asakir-i mansure-i şahane redif üçüncü taburu binbaşılığına tayin buyurularak derbar-ı şevket-karara gelmiş ve İran muharebesinde bulunarak bir sene sonra redif taburlarının nizamiyeye kalb olunması hasebiyle nizamiyeye nakledip altmış bir tarihinde Bahri Paşa maiyetiyle Çıldır ve Ardahan cihetlerinden zuhur eden gailenin defi memuriyeti ve Kars tariki ile Erzurum’a bi’l-azime Muş sancağı ahalisinin emr-i muhafazalarına memur olmuş. (…)

[Abdullah Biraderlerin Fotografisinden]